بلخ ته د سرحدونو او قبایلو چارو د سرپرست محترم ملا نورالله نوري او ورسره مل پلاوې سفر !
د افغانستان د اسلامي امارت د سرحدونو او قبایلو چارو وزارت سرپرست ښاغلي ملا نورالله نوري په داسې حال کې، چې د وزارت مقام د دفتر ریاست سرپرست محترم شیخ حضرت ولي حقاني هم ورسره مل وو، نن ماښام غ د روان ۱۴۰۰ هجري لمريز کال د لړم میاشتې په ۲مه نېټه بلخ ته د خپل رسمي سفر په لومړۍ ورځ د دغه ولايت په مېلمستون کې د مرکز او بېلابېلو ولسواليو له يو شمېر قومي مشرانو، ديني عالمانو، دولتی چارواکو او ځوانانو سره وکتل.
د سرحدونو او قبایلو چارو وزارت سرپرست ښاغلي ملا نورالله نوري په خپلو خبرو کې خوشاله يم چې نن د بلخ ولايت له باتور او مجاهد ملت سره ګورم او خبرې ورسره کوم.
ښاغلي نوري د خپلو خبرو په دوام وویل: د الله تعالی شکر ادا کوو، چې په خپل نصرت سره يې موږ ته اسلامي نظام راپه برخه کړ، اوس موږ ته په کار ده او زموږ د امتحان وخت دی، چې د خپل اسلامي نظام ملاتړ او ساتنه وکړو.
نوموړي دغه راز د اسلامي امارت د چارواکو له خوا له خلکو سره نېک چلند او غوره سلوک باندې ټينګار وکړ، زياته يې کړه: اوس زموږ مسووليت لا پسې دروند شو، بايد خپلو خلکو ته په تقواء او اخلاص سره غوره خدمات وړاندې کړو او پر خپلې هغې ژمنې ولاړ پاتې شو، چې د خاورې د ساتنې په خاطر مو له الله ج سره کړې ده.
