قومي مشران او د ولسونو استازي له تلپاتې اوربند او د سولې له روان بهیر څخه ملاتړ کوي!
دغه څرګندونې د سرحدونو او قبایلو چارو وزیر ښاغلي محب الله صمیم نن له غرمې مخکې په ولسي جرګه کې د ننګرهار ولایت د خلکو له استازي محترم عبدالروف شپون سره د کتنې په ترڅ کې وکړې.
په دې کتنه کې ښاغلي شپون د خپلو ولسونو د یو لړ سیمه ییزو ستونزو شریکولو ترڅنګ د سرحدونو او قبایلو چارو له وزیر ښاغلي محب الله صمیم څخه مننه وکړه، چې تل یې د لویو ولسي غونډو له لارې ولسونه د نظام، جمهوریت، تلپاتې اوربند او د امنیتي ځواکونو ملاتړ ته رابللي په یادو برخو کې یې له وزارت سره د خپلو همکاریو ژمنه وکړه.
ورپسې ښاغلي محب الله صمیم وویل: د ولسونو استازي کولای شي چې ولسونه سولې، ملي یووالي او د نظام ملاتړ ته راوبولي او تاسو باید په دې او ورته نورو مهمو برخو کې رول ولوبوئ دغه راز ښاغلي صمیم ډاډ ورکړ، چې ستاسو د درنو مشرانو شته سیمه ییزې ستونزې به د حل په موخه له اړوندو ادارو سره شریکې کړي.
