د هرات ولایت د اهل تشیع له قومي مشرانو سره کتنه!
د سرحدونو او قبایلو چارو وزیرمحترم محمد شفیق ګل اغا شېرزي نن له غرمې وروسته په داسې حال کې چې د وزارت دجرګو او قبایلي چارو د همغږۍ معین ښاغلي محمد یعقوب احمد زی هم ورسره ملګری و، د هرات د جبرییل په ښارګوټې کې د اهل تشیع له قومي مشرانو او مخورو سره وکتل.
په دې کتنه کې د اهل تشیع قومي مشرانو ښاغلي محمد شفیق ګل اغا شېرزي او ورسره پلاوي ته ښه راغلاست ووایه، او د سولې او ملي یووالي په تینګښت کې یې د سرحدونو او قبایلو چارو د وزیر ښاغلي محمد شفیق ګل آغا شېرزي هلې ځلې وستایلې.
نوموړو دغه راز خپلې یو لړ ستونزې له ښاغلي شېرزي سره دحل په موخه شریکې کړې
ورپسې د سرحدونو او قبایلو چارو وزیر محترم محمد شفیق ګل آغا شېرزي له دغو قومي مشرانو سره د هېواد د روانو حالاتو او په ټاکنو کې د دوې د پراخ ګډون په خاطر سلا مشورې وکړې دوې ته یې ډاډ ورکړ، چې د ستونزو په هوارولو کې به ورسره همکاري وکړې.
