په کاپیسا ولایت کې ۱۲ شخړه حل او په دوستي بدله شوه
۲۵/۴/۱۴۴۵
د کاپیسا ولایت په اله سای ولسوالۍ کې د دوو کورنیو تر منځ پېښه شوې ۱۲ کلنه شخړه، چې له طرفینو څخه پکې ۳ تنه وژل شوي او څو نور کسان ټپیان شوي وو، د سرحدونو، قومونو او قبایلو چارو امریت په هڅو او د سیمه ییزو مشرانو او علماوو په همکاري په سوله بدله شوه.
د دغې شخړې د حل په مراسمو کې د یاد ولایت د والي په شمول د نورو اداراتو مسؤلینو، قومي مشرانو، دیني عالمانو او ځوانانو د شخړو او بدیو په بدو پایلو خبرې وکړې او دواړه لوري یې سولې او اخوت ته راوبلل.
په پای کې په دغه شخړه کې ښکېلو لوریو د مشرانو له هڅو او ستړیاوو څخه مننه وکړه او یو بل ته یې د ورورولۍ غېږه ورکړه.
