له ایران هیواد سره له پرتې سرحدي پولې څخه لیدنه
۲۴/۴/۱۴۴۵
د سرحدونو، قومونو او قبایلو چارو سرپرست وزیر الحاج ملا نورالله نوري نن ورځ په نیمروز ولایت کې له ګاونډي هیواد ایران سره له پرتې سرحدي پولې، صفري نقطې او د ورېښمو له لویې ترانزیټې لارې څخه داسې مهال لیدنه وکړه چې د عالي کمیسیون د دارالإنشاء رئیس، د مهاجرینو چارو، صحت عامې، معارف، کار او ټولنیزو چارو وزارتونو او سرې میاشتې عمومي ریاست استازو یې ملتیا کوله.
د یادې لیدنې پر مهال ښاغلي نوري د دغې سرحدي پولې له مسؤلینو سره خبرې وکړې او له یاد هیواد سره د صفري نقطې په هکله یې هر اړخیر معلومات ترلاسه کړ.
الحاج ملا نورالله نوري همدا راز په یاده سیمه کې د راتلونکو مهاجرینو او مسافرو د ثبت له کمپونو څخه کتنه وکړه او له راتلونکو مسافرو سره یې خبرې وکړې او د هغوی ستونزې یې واورېدې.
