دغزني ولایت له والي سره د سرحدونو او قبايلو چارو وزارت هيئت ناسته تر سره کړه !
دوشنبه ۱۱/۱۱/۱۴۰۰ ھ ش
د سرحدونو قومونو او قبایلو چارو وزارت د جرګو او قبايلو د همغږۍ رئيس محترم مولوي محمد اسماعيل او د داخلي تفتیش رئيس حاجي ملا نياز محمد (تقي) نن تر غرمې مخکې د غزني ولايت له والي محترم ملا محمد اسحاق اخندزاده سره د ولايت مقام په دفتر کي وکتل.
مولوي صاحب محمد اسماعيل له والي صاحب څخه د ليري پرتو او ولسواليو، قومونو اوکوچيانو د روغتيا، تعليم او بشري مرستو لپاره د ځانګړې توجه کولو هيله او غوښتنه وکړه.
ښاغلي ملا نياز محمد (تقي) د قومي شوراګانو د بيرته تشکيل، تنظيم او دغه راز د سرحونو او قبايلو له رئيس سره د ښې همغږۍ او همکاريو غوښتنه وکړه.
د غزني والي ملا محمد اسحاق اخندزاده د ښه راغلاست تر څنګ د غزني ميشتو قومونو په اړه معلومات ورکړل او د هر راز همکاري وعده يې وکړه.
