د غزني او زابل ولايت د دوو قومونو ترمنځ د ۱۱ کلنې بدي پای
چهارشنبه ۲۶ ربيع الأول ۱۴۴۸
د سرحدونو، قومونو او قبايلو چارو وزارت د شخړو د حل مرکزي کمېټې غزني ولايت ته د خپل سفر په ترڅ کې د غزني ولايتي ادارې په همکاري د غزني او زابل ولايتونو د دوو قومونو اړوند د دوو قومونو تر مابین روغه جوړه وکړه او د دوی ترمنځ يې يوولس کلنه بدي پای ته ورسوله.
په همدې مناسبت جوړه شوې غونډه کې د سرحدونو، قومونو او قبایلو چارو وزارت د داخلي پلټنې رئیس شیخ حضرت ولي حقاني، د مقام د شخړو د حل سلاکار محمد کریم سحر اخندزاده، د کوچیانو د اسکانو رئیس مولوي محمد اسحاق ادریس، د ولايتي ادارې استازي مولوي موسی جان ابراهیم، دیني عالمانو او قومي مخورو حضور درلود.
غوندې ته د وزارت د داخلي پلټنې رئیس شیخ حضرت ولي حقاني او د شخړو د حل مشاور محمد کریم سحر اخندزاده وويل: تېرو حکومتونو د ولسونو تر منځ له شخړو سیاسي استفاده کوله خو اوس لله الحمد مسؤلين د خلکو کورونو ته ورځي او ترمنځ يې بدۍ په دوستيو وربدلوي.
د يادولو ده، چې د غزني د جاغوري ولسوالي د هزاره قوم او د زابل د خاک افغان ولسوالي کاکړ قوم ترمنځ په دغه رامنځته شوې شخړه کې د ډېرو ناخوالو تر څنګ يو تن هم وژل شوی و
