د کابل ده سبز ولسوالي له قومي مشرانو سره د مسؤلينو غونډه
سه شنبه ۹ رجب المرجب ۱۴۴۷
د سرحدونو، قومونو او قبایلو چارو وزارت لخوا د يوه پلاوي په مشري نن له غرمې وړاندې د پلازمېنې کابل په ده سبز ولسوالي کې يوه لويه ولسي غونده ترسره شوه، چې پر مهال یې د دغه ولسوالي استازو په ګډون، قومي مشرانو، ديني عالمانو، متنفذينو، سپین ږیرو او ځوانانو برخه لرله.
د دغه ولسي غونډې پر مهال قومي مشرانو د سرحدونو، قومونو او قبایلو چارو وزارت له لوري ورغلي پلاوي ته ډاډ ورکړ، چې که څه هم د ده سبز ولسوالۍ خلک له يو شمېر ستونزو سره مخ دي، خو په دغه ولسوالي کې هېڅ ډول قومي، ژبني او سمتي تعصب شتون نه لري. هغوی وويل: د افغانستان د ډيری ولايتونو بېلابېل قومونه په دې ولسوالي کې مېشت دي او له نېکه مرغه، چې د قومي او مذهبي اختلافاتو پر ځای، خلک په بشپړ اتفاق، ورورولي او ګډ تفاهم کې ژوند کوي. يادو قومي مشرانو خپلې لومړنۍ ستونزې هم له مسؤلينو سره شريکې کړې.
ورپسې د وزارت د کوچیانو چارو د اسکانو ریاست رئيس مولوي محمد اسحاق ادریس غونډې ته په خپله وينا کې وويل: خوښ دی، چې نن د ولسوالي له خلکو څخه اوري، چې په دې ولسوالۍ کې ميشت قومونه او ولسونه په اتفاق، يووالي او ورورولۍ کې ګډ ژوند کوي. نوموړي ډاډ ورکړ چې د خلکو ستونزې به د حل په موخه له لوړرتبه مشرانو سره شريکې شي. هغه همداراز د اميرالمؤمنين حفظه الله فرمانونه، چې د انساني قاچاق د مخنيوي او د ناسمو رواجونو د له منځه وړلو په تړاو ول تشريح کړل او د دغو فرمانونو د پلي کېدو پر
