د نیمروز ولایت اړوند د سرحدي پولې د پلټنې او څار په موخه سفر
د نیمروز ولایت اړوند د سرحدي پولې د پلټنې او څار په موخه سفر
دوشنبه ۱۰ رمضان ۱۴۴۶
د سرحدونو، قومونو او قبایلو چارو وزارت د سرحدي پلټنو رئیس مولوي غلام صدیق سباوون نیمروز ولایت ته د خپل کاري سفر په ترڅ کې د یاد ولایت له محلي مسؤلینو او نظامي منسوبینو سره د د همغږۍ ناسته وکړه. په دغه ناسته کې ښاغلي سباوون د خپل سفر موخه د یاد ولایت د ټولو سرحدي صفري نقطو څارنه او د ولایت په مربوطاطو کې د ډیورنډ فرضي کرښې څارنه او پلټنه یاده کړه.
ښاغلي سباوون ګډونوالو ته د ډاډ په وړاندې کولو سره وویل: د سر په بیه د خپلې خاورې ساتنه کوو او هيچا ته به په دې خاوره د تصرف اجازه ور نه کړو. نوموړي په خپلو خبرو کې زیاته کړه چې د راتلونکي کال په اوږدو کې به له ګاونډيو ملکونو سره د سرحدونو د لاخونديتوب هڅې نورې هم ګړندۍ کړي.
د دغه په ترڅ کې د ښاغلي سباوون په مشرۍ یوه پلاوي د یاد ولایت د چهاربرجك ولسوالۍ اړوند د ډیورنډ فرضي کرښې181.97 کيلومتره ساحه او له ايران سره 142.19کيلومتره پرته رسمي پوله بررسي کړه او د رباط ملک سیاه او ډک ساحو څخه د ليدنې ترڅنګ یې د مرکز زرنج اړوند له ايران سره 27.642 کيلومټره سرحدي پوله د ورېښمو پل، اړوند سرحدي نقطې او د کنګ ولسوالۍ 56.458کيلومتره سرحدي پولې څخه هم بررسي، څار او لیدنه ترسره کړه.
د یادونې وړ ده، چې د سرحدونو، قومونو او قبایلو چارو وزارت د سرحدي پلټنو په دوام د روان کال په اوږدو کې د بدخشان، کنړ، پکتيکا، لوګر، هرات، فراه او نيمروز ولايتونو اړوند رسیمي سرحدي پولې او ډیورنډ فرضي کرښې څار، لیدنه او پلټنه ترسره کړې ده.
