د ننګرهار ولایت د کوټ ولسوالۍ د خلکو ستونزې واورېدل شوې !
د سرحدونو او قبالوچارو وزیر ښاغلي محب الله صمیم نه غرمه په داسې حال کې، چې په ولسي جرګه کې د ننګرهار ولایت د خلکو استازې اغلې سایمه خوږیاڼۍ هم حاضره وه، ددغه ولایت د کوټ ولسوالۍ له یو شمېر قومي مشرانو او مخورو سره وکتل او د دوې ستونزې یې واورېدې.
په دې کتنه کې اغلې خوږیاڼۍ او څو تنو قومي مشرانو په بیلابیلو ولایتونو کې د نظام او ملي ځواکونو ملاتړ ته د ولسي غونډو له لارې د ولسونو رابللو کې د وزارت مشرتابه هلې ځلې وستایلې او په بیلابیلو برخو کې یې یو لړ ستونزې دحل په موخه شریکې کړې.
وريسې ښاغلي صمیم د خپلو خبرو په ترڅ کې، وزارت په هېواد کې د ټولو مېشتو قومونو ګد کور وباله، زیاته یې کړه: دا زمونږ لومړیتوب دی، چې ستاسو ستونزې واورو او د حل په موخه یې له اړوندو چارواکو پورې ورسوو .
نوموړو دغه راز له وزارت سره د خپلو همکاریو د دوام ډاډ ورکړ.
