د کندهار ولایت د بېلابېلو ولسوالیو له قومي مشرانو او مخورو سره کتنه
په دې کتنه کې ښاغلي شېرزي ټاکنې د ډیموکراسۍ اساسي اصل وباله له ټولو هېوادوالو څخه یې غوښتنه وکړه، چې د جمهوري ریاست په راروانو ټاکنو کې فعاله برخه واخلي ، نوموړي همدار راز د هېواد د خپلواکۍ ګټوونکي غازي امان الله خان کارنامو ته هم اشاره وکړه وی ویل، چې ولسمشر جلالتماب محمد اشرف غني د غازي امان الله خان په لار روان دي او د هغه نیمګړی فصل او پاتې کارونه تکمیلوي.
ښاغلي شېرزي زیاته کړه: د افغانستان اوسنی نظام د افغانانو په وینو جوړ شوی او ساتنه یې پرهرافغان فرض ده.
ورپسې قومي مشرانو اومخورو په وارسره خبرې وکړې، له موجوده نظام څخه یې د ملاتړ په ترڅ کې راتلونکې ټاکنې د افغانانو د ژغورلو یوازنی مشروع لار وبلله .
نوموړو ژمنه وکړه، چې ولسونه به د جمهوري ریاست په راروانو ټاکنو کې پراخ ګډون ته وهڅوي ترڅو خپل برخلیک په خپل لاس وټاکي.
