په فاریاب ولایت کې له خلکو سره د همغږۍ غونډه تر سره شوه
پنجشنبه، ۲۹ اسد ۱۴۰۵ هـ ش
په فاریاب ولایت کې د اسلامي نظام تر چتر لاندې د اسلامي شریعت د تنفیذ، له ولس سره د لا ښې همغږۍ او یووالي د پیاوړتیا په موخه د سیمې له قومي مخورو، دیني عالمانو او خلکو سره د همغږۍ غونډه وشوه.
د فاریاب ولایت د سرحدونو، قومونو او قبایلو رئیس یادې غونډې ته په خپلو خبرو کې وویل، په اوسني وخت کې چې په افغانستان کې اسلامي نظام حاکم دی، نو د دې ښه زمینه برابره شوې چې عام ولس له مسؤلینو سره په ګډه د نظم، عامه خدمتونو او د سیمې د پرمختګ په برخو کې همکاري وکړي او د اسلامي نظام د ټینګښت او بقاء لپاره خپل مسؤلیتونه په ښه توګه ترسره کړي.
بلخوا یو شمېر دیني عالمانو او قومي مخورو هم خبرې وکړې او د اسلامي ورورولۍ، خپلمنځي همکارۍ او د ولسونو ترمنځ د شخړو د سوله ییز حل پر اهمیت یې ټینګار وکړ. دوی همداراز د اسلامي نظام د لارښوونو د رعایت او د ولس او مسؤلینو ترمنځ د لا زیاتې همغږۍ او همکارۍ په برخه کې خپل ملاتړ او هر اړخیزې همکارۍ ډاډ څرګند کړ
