د ځمکو د غصب د مخنیوي کمیسیون د جوګيانو او جټانو د ثبت او راجسترو په اړه خپله لومړۍ ناسته تر سره کړه
پنجشنبه ٥/۵/۱۴۴۶
د عالیقدر امیر المؤمنین حفظه الله د ځانګړي فرمان په اساس، د ځمکو د غصب د مخنیوي کمېسیون ته دنده سپارل شوې تر څو په هیواد کې مېشت جوګيان او جټان ثبت او راجستر کړي.
په همدې مناسبت د ځمکو د غصب د مخنیوي کمېسیون غړو چې مشري یې د سرحدونو، قومونو او قبايلو چارو وزارت د سرحدي پلټنې معین الحاج مولوي اسماعیل غزنوي په غاړه لري، د هېواد په ټولو ولایتونو کې د جوګيانو او جټانو د ځای معلومولو، راټولولو او هویت معلومولو په اړه پلټنې وکړي.
د ياد کمیسیون غړو په خپلو پرېکړو کې د الحاج مولوي اسماعیل غزنوي په مشرۍ یوه ځانګړې کمېټه رامنځته کړه چې د مهاجرینو راستنیدونکو وزارت، د زراعت او آبیارۍ وزارت، د عدلیې وزارت ، او د ملي احصائیې اداره به د هغې غړیتوب لري، یاده کمیټه به په هیواد کې د مېشتو جوګيانو او جټانو د ثبت او راجستر پروسه په بشپړ صداقت او دقت سره په ټول هېواد کې عملي کړي.
د يادونې وړ ده چې دا پروسه به د جوګيانو او جټانو لپاره د اساسي حقونو په تامین کې مهمه رول ولوبوي.
