په تخار ولایت کې له سېلاب ځپلو کورنیو سره مرسته وشوه
۱۰/۱۱/۱۴۴۵
د سرحدونو، قومونو او قبایلو چارو وزارت د همکارې (د افغان ماشومانو لپاره د جرمنې مرستې) مؤسیسې په مالي همکارۍ د تخار ولایت په چال ولسوالۍ کې له (۱۰۱) سېلاب ځپلو کورنیو سره د ۹ قلمه خوراکي توکو مرسته وشوه.
د یادې مرستې د وېش پر مهال د وزارت د معلوماتي تکنالوژۍ رئیس قاري عبدالمتین رحیمزی، د بشري سرچینو رئیس مولوي کریم شاه تیلوي، د تخار ولایت د پېښو پر وړاندې د مبارزې رئیس او د مؤسیسې مسؤلینو ګډون کړی وو.
یاد پلاوي د ولایتي مسؤلینو په مرسته سېلاب ځپلو کورنیو ته په خېمو، کمپلو او فرشونو سربېره ۶ قلمه خوراکي توکې هم ووېشلې. زیامن شویو کورنیو له هیوادوالو او مرستندویه بنسټونو څخه د نورو عاجلو مرستو غوښتنه هم وکړه.
