د بادغیس ولایت له قومي مشرانو سره ناسته
۱۷\۸\۱۴۴۵ هـ ق
د سرحدونو، قومونو او قبایلو چارو سرپرست وزیر الحاج ملا نور الله نوري نن سه شنبه د بادغیس ولایت د سنګ آتش ولسوالۍ له قومي مشرانو سره ناسته تر سره کړه.
قومي مشرانو د خبرو پر مهال لومړۍ له محترم نوري صاحب څخه مننه وکړه چې د مصروفیاتو او ناروغتیا سره سره یې دوی ته د خبرو وخت ورکړ، وروسته قومي مشرانو د خپلې سیمې ستونزې او مشکلات لکه د اوبو نشتون، د سړک جوړولو او د ښوونې لپاره مدرسې جوړولو او ځیني نورې ستونزې د حل په موخه شریکې کړې.
په پای کې ښاغلي نوري مېلمنو ته ښه راغلاست ووایه او په تېر شل کلن انقلاب کې یې د اطرافي سیمو د وګړو ستړیاوي د ستایلو وړ وبللې، او راغلي هیئت ته یې د لارښوونې تر څنګ د پوره همکارۍ ډاډ ورکړ او زیاته یې کړه چې بې له کوم احسان اچولو ستاسي ستونزې حل کوو او له اړوند مرجع سره به یې شریکوو.
