مسلکي معین د تحقيق او مطالعاتو د رياست له يو شمير څيړونکو سره ناسته تر سره کړه
١٦/٨/١٤٤٥ ھ ق
د سرحدونو، قومونو او قبایلو چارو وزارت مسلکي معین مولوي احمد طه قادري د یاد وزارت د تحقیق او مطالعاتو ریاست له يو شمير څيړونکو سره په خپل کاري دفتر کې ناسته تر سره کړه.
په یاده ناسته کې مسلکي معین ښاغلي مولوي احمد طه قادري، د دعوت و ارشاد رئیس مفتي شفیع الله ثاقب، د تفتیش رئیس مولوي محمد اسحاق ادریس، د ښوونې او روزنې رئیس مولوي عبد الرحمن رحماني او د سرحدي پلټنې رئیس مولوي غلام صدیق سباوون ګډون کړی وو.
د تحقیق او مطالعاتو ریاست د څيړونکو د بورد يو شمير غړو د هیواد د مختلفو ولایتونو او ولسوالیو د معلوماتي پروفایلونو د جوړولو او په ياده برخه کې یې د هر اړخيزې څيړنې او نورو ورسپارل شويو دندو په اړه معلومات شريک کړل.
په پاي کې ښاغلي احمد طه قادري د دوی تر سره شوې کړنې وستایلې او په دې برخه کې يې د پوره همکارۍ ژمنه ورکړه.
