د ۲۰۱ خالد بن ولید (رض) قول اردو له مسؤلینو سره کتنه
۱۶/۷/ ۱۴۴۵
د سرحدونو، قومونو او قبایلو چارو سرپرست وزیر الحاج ملا نور الله نوري تېره ورځ یکشنبه په ننګرهار ولایت کې د ۲۰۱ خالد بن ولید رض قول اردو له مسؤلینو او مجاهدینو سره په یوه غونډه کې ګډون وکړ.
په یاده غونډه کې د قول اردو مرستیال مولوي محمد نظامي، د ننګرهار والي ملا محمد نعيم اخند، درستيزوال حافظ انځر ګل، او د بيلابيلو رياستونو مسؤلينو ګډون کړی وو.
د غونډې په پيل کې د قول اردو مرستیال ورغلي پلاوي او سرپرست وزیر ته ښه راغلاست ووايه او له ټولو ګډونوالو څخه يې وغوښتل چې د ښاغلي وزیر صاحب ویناوې په غور واوري ترڅو د ټولنې د خدمت لپاره پوره چمتو شي.
ورپسې ښاغلي نوري د غونډې ګډونډوالو ته د فکري او عقيدوي اصلاح، الهي احکاماتو ته د پاملرنو، د عالیقدر امیرالمؤمنین حفظه الله د فرامينو بشپړ تطبيق، په اسلامي نظام کې په رښتيني توګه خدمت کولو ارزښت او ګڼو نورو مهمو خبرو ته یې اشاره وکړه او د تطبيق په اړه يې لیوا مجاهدینو ته سپارښتنې وکړې.
دغه ناسته په دُعائیه سره پای ته ورسېده
