دفراه ولایت د کابل میشتو قومو شوراګانو له نماينده ګانو سره ليدنه
د سرحدونو، قومونواو قبایلو چارو وزارت مسلکي معین ښاغلي عبدالرحمن حقاني د فراه ولايت د قومونو کابل مېشتو شورا له غړو او نماينده ګانو سره د خپل کار په دفتر کې وکتل. د کتنې په پیل کې د سرحدونو، قومونو او قبایلو چارو وزارت مسلکي معین عبدالرحمن حقاني د ټولنيزو شوراگانو د فعالیتونو او لاسته راوړنو په اړه هر اړ خيزې خبري وکړي ويې ویل، چې ټولنيزو شوراګانو له وزارت سره د ملي یووالي او د قومونو تر منځ د فرهنگي ستونزو په حل کې همکاري کړې ده. وروسته د يادې شورا غړو د ټولنيزو شوراګانو د همغږۍ مرکز په اړه، چې د هېواد په کچه ډېرې شوراګانې پکې ثبت او راجسټر دي معلومات وړاندې کړل وې ویل، چې زموږ فرهنګي کمیټې یوه طرحه جوړه کړې ده، چې له مخې به يې له وزارت سره په فرهنگي چارو کې همکاري کوو او دغه راز به د وزارت په لارښوونه له خپل نظام څخه هر ډول ملاتړ کوو.
