د کابل د خوشحال خان مېنې تروريستي بريد په کلکه غندو!
د هېواد او خلکو دښمنانو د خپلو تروريستي بریدونو پر دوام نن سهار د کابل ښار په خوشحال خان مېنه کې په ولسي جرګه کې د کابل ولايت د خلکو استازي حاجي خان محمد وردګ د موټرو پر کاروان ترهګريز برید کړی، چې له امله یې وکیل صیب خان محمد وردګ ټپي او زموږ یو شمېر معصوم هېوادوال شهیدان شوي دي.
ترهګرو، چې د جګړې په ډګر کې يې زموږ له زړه ورو ځواکونو سره د مخامخ جګړې توان له لاسه ورکړي، هڅه کوي د دغه شان ډارنو بريدنو په ترسره کولو سره د ولس په منځ کې وحشت او وېره خپره کړي.
د سرحدونو او قبايلو چارو وزارت په داسې حال کې چې دغه وحشيانه بريد په کلکه غندي، د پېښې شهيدانو ته د فردوس جنت، وکيل صاحب خان محمد وردګ او نورو ټپيانو ته سملاسي روغتیا غوښتنه او د شهیدانو وارثینو ته د تسلیت مراتب وړاندې کوي.
محب الله صمیم
د سرحدونو او قبایلو چارو وزیر
