له قومي مشرانو، دولتي چارواکو او یو شمېر ځوانانو سره کتنه!
د سرحدونو او قبایلو چارو وزیر ښاغلي محب الله صمیم نن له غرمې وروسته له قومي مشرانو، دولتي چارواکو او یو شمېر ځوانانو سره د خپل کار په دفتر کې وکتل.
د کتنې په پیل کې یادو مشرانو د خپلو سیمه ییزو ستونزو شریکولو ترڅنګ وویل: هڅه به مو داوي، چې د جرګو او مرکو له لارې د سولې او ملي یووالي د ټینګښت لپاره خلکو ته ارزښتناکه مشورې ورکړو، ترڅو وکولای شو، چې د خپلې پوهې له لارې د خپل مسولیت په ادا کول کې پاتې رانه شو او هم به له وزارت سره خپلو همکاريو ته دوام ورکړو.
ورپسې ښاغلي محب الله صمیم په خپلو خبرو کې د یادو مشرانو د هېوادني احساس څخه د مننې په ترڅ کې وویل: د تاسو قدرمنو مشرانو سلامشورې کولای شي، چې د سولې او ملي یووالي په ټینګښت کې مثبتې پایلې ولري.
