د چارو په سمون او چټکۍ ټينګار
د سرحدونو او قبايلو چاروسرپرست او نوماند وزير ښاغلي محب الله صمیم نن چهارشنبه د روان کال د لړم مېاشتې په ۲۸مه نېټه له ريسانو سره د اړندو ادارو ترمنځ د زیاتې همغږۍ او چارو د چټکۍ په موخه غونډه وکړه او د هېواد د قوانینو په پام کې نیولو سره یې د اداري چارو په سمون او اصلاح او دغه راز په ولایتونو کې د وزارت له دوهمو واحدونو سره د اړیکو د پراختیا اویو لړ نورو مهمو اداري موضاتو په اړه خبرې وکړې.
د سرحدونو او قبایلو چارو وزارت سرپرست او نوماند وزيرښاغلي محب الله صمیم دغه راز له اړوندو ریسانو غوښتنه وکړه، چې د لا زیاتې همغږۍ، د چارو د سمون او چټکتیا په موخه دې د همغږۍ غونډو ته دوام ورکړي او خپلې ستونزې دې د وزارت له مشرتابه سره شریکې کړي.
همدا راز اړندو ریسانو په دې برخه کې یو لړ ستونزې او وړاندیزونه هم له ښاغلي صمیم سره د حل په موخه شریک کړل.
