په ولسي جرګه کې د خلکو له استازي سره کتنه!
د سرحدونو او قبایلو چارو وزیر ښاغلي محمد شفیق ګل آغا شېرزي د روان لمریز کال د سلواغې میاشتې پر ۱۲ مه نېټه په ولسي جرګه کې د کندز ولایت د خلکو له استازي ښاغلي انجینر کمال صافي او د یاد ولایت د سرحدونو او قبایلو چارو له رئيس ښاغلی نظیف الله نظیف سره د خپل کار په دفتر کې وکتل.
په دې کتنه کې، چې د وزارت مسلکي مرستیال ښاغلی ډاکټر فریدون بارکزی، د جرګو او قبایلو چارو د همغږۍ مرستیال ښاغلی محمد یعقوب احمدزی، د مقام د دفتر رئيس ښاغلی نور آقا ناصري او د ولایتونو سره د اړیکو ریاست سرپرست ښاغلی حمیدالله خېبر هم حاضر و، دواړو خواوو په هېواد کې د سولې د ټینګښت، ملي پروژو په پلي کولو د راتلونکي کال لپاره د وزارت په اړوند لېسو کې د ناامنو سیمو ځوانانو شاملیدو او نورو د علاقې وړ موضوعګانو په اړه بحث او خبرې وکړې.
