په بلخ کې د ۵ کلنې شخړې حل
شنبه ۲۲/ جمادي الآخر/ ۱۴۴۷ د بلخ ولایت د سرحدونو قومونو او قبایلو چارو ریاست د جوزجان ولایت د فیض اباد د یوې کورنۍ او د بلخ ولایت د چمتال ولسوالۍ د جوشور کلي د بلې کورنۍ ترمنځ ۵ کلنه شخړه د ځایي قومي مخورو او مصلحینو په کوښښ او هڅو په دوستي بدله کړه. یاده شخړه چې د دواړو لوریو تر منځ د یوې کورنۍ موضوع پر سر پنځه کاله وړاندې رامنځته شوې وه او نیمه لسیزه دغه دوه لوري له ډېرو ناخوالو څخه کړېدل، په داسې حال کې حل شوه، چې له طرفینو څخه یوه لوري یې د بلخ ولایت د قومونو او قبایلو چارو ریاست مسؤلینو څخه په دې برخه کې مرسته وغوښتنه. دغو مسؤلینو د قومي مشرانو او سیمه ییزو مصحلینو په ملتیا له دواړو لوریو سره لیدنې وکړې له دې سره دواړو غبرګو کورنیو تر منځ د مخورو قومي مشرانو له طرفه د سولې ، ثباد او روغي جوړې نصیحتونه او سپارښتنې وشوې او دوی یې ورورولۍ او بښنې ته راضي کړل. دواړو کورنیو د مسؤلینو او مخورو مشرانو نظرونو ته د احترام کولو تر څنګ ژمنه وکړه ، چې له دې ورسته به د اخوت او سو کالۍ لار غوره کوي او د وروڼو په څېر به ژوند کوي، چې په دې سره د دواړو غاړو ترمنځ ۵ کلن کرکجن مزل د سولې په کولو سره لنډ شو او شخړې یې ترمنځ حل شوه.
