د دوو کورنیو ترمنځ ۷ کلنه شخړه هواره او په سوله بدله شوه
د سمنګان ولایت مرکز د لوي قشلاق په سیمه کې د دوو کورنیو ترمنځ ۷ کلنه شخړه چې له امله یې یو کس په شهادت رسېدلى وو د دغه ولایت د سرحدونو، قومونو او قبایلو چارو آمر مولوي سید محمد سعید او قومي مشرانو په هڅو حل او دواړه کورنيو په خپل منځ کې روغه کړه. په همدې مناسبت جوړه شوې ناستې ته د سمنگان ولايت د سرحدونو، قومونو او قبایلو چارو آمر ښاغلي سعید او قومي مشرانو په خپلو جلا جلا ويناوو کې د ناستې له گډونوالو او نورو ځايي اوسېدوونکو وغوښتل چې په ټولنیز ژوند کې دې له شخړو او بدبینیو لاس په سر شي، د ورورولۍ، اسلامي اصولو او مقرارتو په رڼا کې دې خپل ورځني ژوند ته ادامه ورکړي.
