د دوو کورنيو ترمنځ رامنځته شوې شخړه هواره شوه
١٤٤٥ شعبان المعظم ١٢ مه
دفارياب ولایت په دولت اباد ولسوالۍ کې د دوو کورنيو ترمنځ شخړه هواره او په دوستۍ بدله شوه.
په همدې موخه د فارياب ولايت د سرحدونو، قومونو او قبايلو چارو رئيس مولوي محمد مير صارم په مشرۍ سپین ږیرو، قومي مشرانو او مخورو ګډه غونډه جوړه کړه.
یادې غونډه ته د سرحدونو، قومونو او قبایلو چارو رئيس ښاغلي مير صارم په خپلو خبرو کې وویل د قومونو ترمنځ سوله يو مهمه موضوع ده، باید د ټینګښت په اړه زموږ درېځ یو شان وي. او دا زمینه برابره کړو، چې پخپلو کې سره کینو شخړه حل او سوله راولو.
په پاي کې ياد مشران په دې وتوانېدل چې شخړه حل او ښکېلو غاړو ته غوره شرطونه چې په راتلونکې کې د بیا ځلي شخړې مخه ونیسي وړاندې کړي چې د دواړو لوريو له خوا ومنل شول.
