په نورستان ولایت کې د ځايي مسؤلينو په هلو ځلو ۴۱ کلنه شخړه حل شوه
۵/۶/۱۴۴۵
په نورستان ولایت کې د سرحدونو، قومونو او قبایلو چارو ریاست د ځایي مسؤلینو، علماء او قومي مخورو په ګډون د یاد ولایت د نورګرام ولسوالۍ په پشګر دره کې د دريو قومونو ثمردرې، پرک، او دوستو تر منځ ۴۱ کلنه شخړه حل کړه.
دغه شخړه د یادو قومونو تر منځ د غرونو، جلغوزيو او ځنګلونو پر سر را منځ ته شوې وه او لسګونه کلونه یې دوام کړی و چې په ترڅ کې یې لس کسه مړه، شپږ نور زخمیان او ډېر مالي زیان اوښتی و.
د مسؤلینو له لوري ځایي خلکو ته د اتفاق، اتحاد، یووالي، او په خپل منځ کې د ورورولۍ په څېر د ژوند
کولو توصیه وشوه، یادو قومونو یو بل ته د خوښۍ غیږې ورکړې او غونډه د دعاء په لوستلو سره پای ته ورسېده.
