د حيرتان سرحدي ښارګوټي ته سفر!
د سرحدونو او قبایلو چارو وزارت سرپرست محترم ملا نورالله نوري نن له غرمې مخکې
د روان ۱۴۰۰هجري لمريز کال د لړم د مياشتې په ۵مه نېټه په داسې حال کې چې د وزارت د مقام د دفتر ریاست سرپرست محترم شيخ حضرت ولي حقاني او د بلخ د سرحدونو او قبایلو چارو سرپرست هم ورسره ملګري وو، په حيرتانو کې له صفري نقطې څخه ليدنه وکړه.
د لېدنې پر مهال د سرحدونو او قبایلو چارو سرپرست حيرتان ته د خپل سفر د هدف په اړه رڼا واچوله زياته يې کړه: زموږ د سفرونو اساسي موخه د خلکو د ستونزو اوريدل، هغو ته د حل لارو چارو موندل او خلکو ته د سهولتونو برابرول دي
نوموړي ازبکستان د افغانستان دوست وباله او د دواړو هېوادونو ترمنځ يې د تګ راتګ، سوداګريزو او ترانسپورتي چارو کې د اسانتياوو په رامنځته کولو او د دوستانه اړيکو په پراختيا ټينګار وکړ.
