خبرتیا:

په پلازمینه کابل کې د سرحدونو، قومونو او قبایلو چارو وزارت اړوند د (رحمان بابا، خوشحال خان او پیرمحمد کاکړ) لیسو ته چې له کومو کسانو څخه د تېرې دوشنبې په ورځ ازموینه واخیستل شوه، خبر ورکول کېږي، تر څو چې یې نتایج د وزارت له رسمي ویب پاڼې او نورو ادرسونو نه وي نشر شوي له خپلو اصلي لیسو څخه دي خپلې سه پارچې نه اخلي، هر کله چې له خپلې نتېجې څخه مطمئین شول وروسته له هغه کولای شي د وزارت اړوندو لیسو ته ځانونه تبدیل کړي.
 
د یادونې وړ ده، هغه کسان چې د تېر امتحان په وخت کې ناسوب(غیرحاضر) و، تر راتلونکې یکشنبې د رمضان المبارک میاشتې تر (۱۸) مې نېټې دي په متفرقه ازموینه کې نوم لیکنې ته ځانونه حاضر کړي. 

له پورته ذکر شویو زده کوونکو څخه متفرقه ازموینه د راتلونکې دوشنبې په ورځ چې د رمضان المبارک میاشتې له (۲۲) نېټې سره سمون خوري د سرحدونو، قومونو او قبایلو چارو وزارت د غونډو په تالار کې اخیستل کېږی.