د ملي مصالحې د عالي شورا د مقام د دفتر له رئيس سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن له غرمې وروسته د ۱۳۹۹ لمریز کال د ملي مصالحي د عالي شورا د مقام د دفتر له رئيس ښاغلي عبدالقهار او سلاکارانو سره یې د خپل کار په دفتر کې وکتل.
په دې کتنه کې راغلو چارواکو ښاغلي محب الله صمیم ته د سرحدونو او قبایلو چارو وزارت د سرپرست او نوماند وزیر په توګه د ټاکل کېدو له امله مبارکي وویله او نوموړې یې د یاد وزارت لپاره وړ اومجرب شخص یاد کړ.
ښاغلي قهار په دوحه کې د سولې په برخه کې د وروستیو پرمختګونو په اړه معلومات له ښاغلي محب الله صمیم سره شریک کړل.
همدا راز دواړو لورو په هېواد کې د تلپاتې سولې د ټینګښت، د قومونو په انسجام او په یو لړ نورو مهمو مسایلو بحث او خبرې وکړې.