د سرحدونو او قبایلو چارو د کمېسیون عمومي مسوول د وزارت له چارواکو او کارکوونکو سره وکتل!

mobta-af
چهارشنبه ۱۴۰۰/۶/۳ - ۹:۳۵
mobta

یاده غونډه د عظیم الشان قرآن د څو مبارکو ایتونو په تلاوت پیل شوه.

ورپسې د سرحدونو او قبایلو چارو د کمیسیون عمومي مسوول محترم الحاج معاون صاحب ملاعبدالجبار دغوندي برخه والو ته، چې د وزارت چارواکي او کارکونکي و د خپلو خبرو په ترڅ کې لومړی په افغانستان کې د افغانستان د اسلامي امارت د سترو فتوحاتو له امله مبارکې وویله، بیایې د همکارانو له راتګ څخه مننه وکړه، دوی یې د هېواد شتمني او خدمتګاران وبلل وې ویل: چې افغانستان زموږ ټولو مشترک کور دی، ټول به ورته په صداقت او اخلاص د لوی الله ج د رضایت په خاطر کار کوو.

نوموړي زیاته کړه: زموږ ولسونو، چې زیات دردونه اوکړاوونه یې لیدلي دي باید خدمت ته یې ملا وتړو، که نمګړتیاوې وي په ګډه به یې حلوو، موږ مو په خدمت کې یو.

دغه راز یې کارکونکو ته ډاډ ورکړ، چې خپلو دندوته پرته له کومې اندېښنې دوام ور کړي لکه څنګه، چې خپل کورته چې خدمت کوي همدا شان دې خپل هېواد ته هم خدمت وکړي.

ده، د افغانستان د اسلامي امارت لخوا د شویو ژمنو د ترسره کولو ډاډ ورکړ، هېله یې څرګنده کړه، چې زموږ او ستاسوپه ګډ او مشترک کار سره به ان شاءالله افغانستان له هره پلوه په پښو ودریږي او له احتیاج څخه به خلاصون و مومو.

د سرحدونو او قبایلو چارو کمیسیون د عامه اړیکو او ښوونې او روزنې مسوول ښاغلي مولوي حضرت ولي حقاني هم په خپلو خبرو کې وویل: چې لله الحمد موږ له هره لحاظه هستي لرو، دندو ته په ډیر شوق راّځئ او خپل مسولیتونه په ښه توګه ترسره کړئ . باید واقعي خدمت وکړو، د ډېرو خبرو پرځاي عمل ته ترجیه ورکړو په خپلې تقوا او عمل سره، الله ج راضي اوځوریدلي ملت ته د لومړیتوبونو اود دوی د اړتیا مطابق په معنوي، اقتصادي او نورو برخو کې خدمت وړاندې کړو، ترڅو په راتلونکې کې هوسا او مترقي هېواد ولرو.

غونډه په هېواد کې د یووالي، هوساینې اود افغان ولس د نیکمرغۍ په دعا پای ته ورسېده

 

تازه خبرونه

چهارشنبه ۱۴۰۰/۶/۲۴ - ۶:۳۰
Background image

د سرحدونو او قبایلو چارو وزارت نوي سرپرست نن رسماً په کار پیل وکړ!

محترم ملا نورالله نوري، چې د افغانستان د اسلامي امارت د کابېنې په اعلان سره د سرحدونو او قبایلو چارو وزارت د سرپرست

چهارشنبه ۱۴۰۰/۶/۳ - ۹:۳۵
Background image

د سرحدونو او قبایلو چارو د کمېسیون عمومي مسوول د وزارت له چارواکو او کارکوونکو سره وکتل!

یاده غونډه د عظیم الشان قرآن د څو مبارکو ایتونو په تلاوت پیل شوه.

BACK TO NEWS