د زمري ۷مه، د بیرغ ملي ورځ د وزارت په انګړ کې د بیرغ په پورته کولو سره ولمانځل شوه!

mobta-af
چهارشنبه ۱۳۹۹/۵/۸ - ۹:۴۴
mobta

 

په هغو مراسمو کې، چې له همدې امله نن سې شنبې د ۱۳۹۹ لمریز کال د زمري میاشتې پر ۷ مه نېټه د بیرغ د ملي ورځې د لمانځلو په موخه پرځاې شوي وو، د سرحدونو او قبایلو چارو وزارت مالي او اداري معین ښاغلي شجاج الملک جلاله خان، د سرحدي څېړنو معین ښاغلي ډاکټر محمد اصف قاضیزاده، د وزارت سلاکارانو، رئيسانو، آمرینو او کارکوونکو برخه اخیستې وه.

په پيل کې دوزارت مشرتابه د پوځي پرېټ او مراسمو له ترسره کولو وروسته د ګران هېواد افغانستان ملي بیرغ په خوښۍ او ولولو سره پورته کړ.

د مراسمو په ترڅ کې د وزارت مالي او ادارې ښاغلي معین د بیرغ ملي ورځې په مناسبت ټولو درنو هېواد والو ته د مبارکۍ او نېکو هيلو وړاندې کولو ترڅنګ د هېواد د درې رنګه رپانده بیرغ د ارزښت په اړه خبرې وکړې وې ويل: ملي بیرغ، چې زموږ د هېواد د هویت او عزت څرګندونه کوي له معنوي اړخه دومره ارزښت لري، چې افغان ملت یې د ساتلو په لاره کې سرونه بایللي، خو هغه يې هسک او سر لوړی ساتلی.

دغه راز ښاغلي شجاع الملک جلاله زیاته کړه: ملي بیرغ زموږ د هویت او یووالي سمبول دی، چې ټول افغانان یې د تل په څېر په مېړانه او سرښندنه ساتي.

نوموړي د وزارت له منسوبینو او ځوانانو څخه یې وغوښتل چې د ملي بیرغ د ساتلو په برخه کې له هیڅ ډول هلو ځلو او سرښندونو څخه ډډه ونه کړي، ترڅو چې دا ملي هویت او د افغان ملت با عظمته نښان د پخوا په څېر ځلانده او رپانده وي.

د وزارت محترم مشرتابه دغه راز د يو شمېر افسرانو او سرتېرو پر سينه کوچني بيرغونه وټومبل!

مراسم په هېواد کې د سولې او ملي یووالي د ټینګښت او د ملي بیرغ ځلانده ساتلو په دعا سره پاې ته ورسېدل.

 

تازه خبرونه

چهارشنبه ۱۳۹۹/۵/۲۲ - ۹:۲۹
Background image

د هېواد علمي، فرهنګي او سیاسي شخصیت ارواښاد اکاډمیسن سلیمان لایق پاک روح ته دعا وشوه.

د هېواد علمي، فرهنګي او سیاسي شخصیت اکاډمیسن سلیمان لایق، چې تېر کال د کابل د ششدرک په سیمه کې د یوې چاودنې له امله ټپي شوی و ، د روان لمریز کال د زمري میاشتې پر ۱۰ مه نېټه دهمدغو ټپونو. . .

دوشنبه ۱۳۹۹/۵/۲۰ - ۱۰:۲۶
Background image

درنو هېوادوالو بريا مو مبارک شه!

د وياړ او خوشالى ځاى دى، چې د ازاي سيالۍ افغان لوبغاړي نصرت حقپرست خپل امريکايي سيال الکس مونوز ته د UFC ازادو مبارزو په سياليو کې ماته ورکړه

چهارشنبه ۱۳۹۹/۵/۱۵ - ۹:۱۸
Background image

د اختر په شپو او ورځو کې د ترهګرو له خوا په ځينو ولايتونو کې د تروريستي بريدونو تر سره کول د سولې له بهير سره دښمني ده!

په ژورې خواشينى سره خبر شوم، چې تروريستانو د اختر په شپه د لوګر ولايت مرکز پل علم ښار او نن شپه د ننګرهار ولايت پر محبس باندې د موټر بم او وسله والو بريدونو په ترسره کولو زموږ يو شمېر. . .

BACK TO NEWS