د افغانستان د عليخېلو شورا له مشرتابه سره کتنه!

mobta-af
چهارشنبه ۱۴۰۰/۳/۱۹ - ۹:۲۲
mobta

د سرحدونو او قبایلو چارو وزارت مسلکي معین ښاغلي محمد آصف ننګ تېره ورځ د علي خېلو شورا له مشرتابه سره وکتل.

د ناستې په سر کې احمد پردیس همتوال د علي خېلو شورا منشي خبرې وکړې او د علي خېلو شورا د جوړېدو، تشکیل، کمېټو، کارونو، کړنو او لاسته راوړنو په اړه یې هر اړخیز معلومات له ښاغلي ننګ سره شریک کړل.

ورپسې قومي مشر حاجي کاتب د ننګرهار ولایت په استازولۍ، رئیس ولي محمدخان د لغمان، قوماندان عبدالرازق د شرقي زون، استاد محمدصادق فایق د بغلان او شمال زون، انجینر میروګل علي خېل د سویل ختیځ زون، حاجي عبدالمنان د مرکز کابل په استازیتوب خبرې وکړې او هر یوه د علي خېلو قوم ستونزې او د دې قوم پر وړاندې د شته ننګونو یادونه وکړه، په مجلس کې د یادو ستونزو د حل له پاره د سرحدونو او قبایلو چارو له وزارت څخه د لازمو همکاریو غوښتنه وشوه.

همدارنګه عبدالبصیر ایوبي، د علي خېلو قوم د ځوانو کادرونو د ګمارنې او جذب په اړه خبرې وکړې، او ټینګار یې وکړ، چې د یاد وزارت په چوکاټ کې دې د ځوانانو لپاره د تحصیل او کار زمینه برابره شي.

وروسته انجینر عبدالواجد کمال، د علي خېلو قوم په یووالي او اتحاد ټینګار وکړ او د افغانستان علي خېلو شورا د راتلونکې لویې پرانستغونډې، د جوړېدو او په نورو برخو کې له ښاغلي آصف ننګ څخه د لا همکارۍ غوښتنه وشوه.

د غونډې په وروستۍ برخه کې د سرحدونو او قبایلو چارو وزارت مسلکي معین ښاغلي آصف ننګ د علي خېلو شورا له مشرانو مننه وکړه، چې د شورا د پرمختګ له پاره یې هلې ځلې کړې دي او ځوانانو کادرونو د جذب، په یاد وزارت کې د شورا د ثبتولو او ځوانانو ته د زده کړو زمینو برابرولو په برخو کې د همکاریو ډاډ ورکړ.

دغه راز ښاغلي ننګ له راغلو مشرانو هیله وکړه، چې د راتلونکي ښې حکومتولۍ لپاره ځوانان په عصري زده کړو سمبال کړي، چې د لا ښه خدمت مصدر وګرځي.

د غونډې په پای کې د افغانستان علي خېلو شورا له لوري ښاغلي آصف ننګ ته د درناوي په پار پګړۍ هم ورپر سر شوه .

تازه خبرونه

چهارشنبه ۱۴۰۰/۳/۲۶ - ۱۰:۴۱
Background image

د عامه بنسټونو له منځه وړل او ويجاړول تر ټولو ستر ملي خیانت او جهالت دی!

په فراه ولایت کې د انار درې ولسوالۍ ودانۍ د وحشي دښمن له لوري په بمونو باندې الوزول د دې ښکارندویي کوي، چې بې رحمه او له تمدنه لیرې دښمن سولې، د هېواد ابادۍ او پرمختګ ته هېڅ راز ژمنتیا. . .

چهارشنبه ۱۴۰۰/۳/۲۶ - ۱۰:۱۶
Background image

د خلکو استازي کولای شي، چې سولې او ثبات ته ولسونه وهڅوي!

دغه څرکندونې د سرحدونو او قبایلو چارو وزیر ښاغلي محب الله صمیم نن له غرمې وروسته په ولسي جرګه کې د خوست ولایت د خلکو له استازي ښاغلي کمال ناصر اصولي سره د کتنې په ترڅ ک

BACK TO NEWS