دکندهار ولایت د مېشتو کاکړو قوم له مشرانو او مخورو سره کتنه!
په دې مشورتي ناسته کې ښاغلي شېرزي لرغونى کندهار د ټولو مېشتو قومونو ګډ کور وباله، وى ويل: باید ټول درانه قومونه، چې غم او خوشحالي يې يوه ده، په اتحاد او اتفاق سره لاسونه ورکړي او هېواد له روانو ناخوالو څخه وژغوري، ښاغلی شېرزي دغه راز د هېواد روان حالت خورا مهم یاد کړ، او د جمهوري رياست راروانې ټاکنې یې د افغانانو د ژغورنې یوازینۍ لاره وبلله.
ښاغلي شېرزي د ملي يووالي حکومت لاسته راوړنې وستايلې، وې ویل د افغانستان ولسمشر جلالتماب اشرف غني په ډېرو نازکو حالاتو کي دا هېواد په ډیر ښه ډول اداره او مدیریت کړ، چې دا کارونه به د اتل شاه غازي امان الله خان ارواح ياده او ښاده کړي.
ورپسې د کاکړو مشر حاجي صمد خان آکا د خپلو خلکو ستونزې شريکې کړې، او له ښاغلي شېرزي څخه يې په حل کي د همکارۍ غوښتنه وکړه.
نوموړي وویل تاسو د د هېواد په کچه مجرب ملي مشریاست ، موږ په هر ډول حالاتو کي د موجوده نظام د پايښت او ستاسو ترشاه ولاړ یو.
ښاغلي شېرزي صاحب د ګډونوالو ستونزي او مشکلات پرځاي وبلل، او په حل کي يې د همکارۍ ډاډ ورکړ.