په لوګر ولایت کې د اسلامي نظام ثبات، ولسونو د یووالي او انسجام په نوم ستره ولسي غونډه جوړه شوه

khoram_admin
Wed, Jul 10 2024 2:39 PM
ناسته

چهارشنبه ۴ محرم الحرام ۱۴۴۶    
     
د سرحدونو قومونو او قبایلو چارو وزارت وزیر الحاج ملا نورالله نوري، د وزارت د جرګو او قبایلي چارو د همغږۍ معین مولوي محمد علي جان احمد او ورسره مل پلاوي لوګر ولایت ته د سفر په ترڅ کې ددې ولايت د قومونو تر منځ د اسلامي نظام ثبات، د ولسونو د یووالي او انسجام په نوم ستره ولسي غونډه کې ګډون وکړ.
په یاده غونډه کې د لوګر ولایت مرکز په شمول له ټولو ولسواليو څخه راغلیو  سلګونه دیني عالمانو، قومي مشرانو او عامه خلکو برخه اخیستې وه.

لومړۍ ځایي دیني عالمانو او قومي مخورو د غونډې ګډونوالو ته په خپلو خبرو کې وویل: چې له حاکم اسلامي نظام سره ولسونه څنګ په څنګ ولاړ دي، د پرمختګ او بهبود لپاره يې په ګډه کار کوي هغوی همدا راز د ولسونو تر منځ په یووالي او انسجام ټینګار وکړ او  له اسلامي نظام څخه یې د ملاتړ ترڅنګ د ثبات په ساتلو کې هم د همکارۍ ډاډ ورکړ.

ورپسې د جرګو د همغږۍ رئیس شیخ حضرت ولي حقاني د خپلې وینا په ترڅ کې زیاته کړه: چې اسلام هر چا ته خپل حقوق ورکړي دي، ملت او حاکم دواړه مکلف دي، چې د یو بل حقوق په نظر کې ونیسي، لله الحمد په اوسني اسلامي نظام کې د ټول ملت حقوق خوندي دي.

دغه راز جوړې شوې غونډي ته د سرحدونو، قومونو او قبایلو چارو وزارت د جرګو او قبایلي چارو د همغږۍ مرستیال مولوي محمد علي جان احمد وویل: د دې ولسونو د قربانیو په مټ موږ الله ج د بریا لوړ منار ته ورسولو، د اسلامي نظام په اډانه کې ټول مشران د ولس ستونزو ته متوجه دي، شپه او ورځ په دې هڅه کې دي چې ستونزې يې ور حل کړي.

په پاي کې د سرحدونو، قومونو او قبایلو چارو وزير الحاج ملا نورالله نوري غونډې ته د وینا پر مهال په تیر شل کلن جهاد کې د افغان ولس د کړاوونو، په دې لار کې د دوی د بچیانو قربانیو او بریا ته د اسلامي نظام د رسولو په برخه کې د دوی د همکاریو یادونه او ستاینه وکړه، زیاته یې کړه چې د سرحدونو ساتل زموږ فریضه ده، د افغانستان اینچ اینچ خاوره مو تر خپل نظر ایستلې او کتلې ده، سرحدونه د افغانانو ارزښتونه دي، د افغانستان یوه لوېشت خاوره موږ ته تر سر ډېر ارزښت لري.

Latest news

Tue, Jun 04 2024 11:54 AM
Background image

A Visit from Ghulam Khan Port and Durand's Hypothetical Line

2024/june/6

Acting Minister of Borders and Tribal Affairs, Alhaji Mullah Noorullah Noori, visited Ghulam Khan Port of Gurbaz District and the areas near the Durand hypothetical line. . .

Mon, Mar 18 2024 9:41 AM
Background image

Meeting with officials of a number of Foreign organizations

Sunday 7 Ramadan 1445

Acting Minister of Borders and Tribal Affairs Alhaji Mullah Noorullah Noori met with the officials of UNDP, OCHA, WFP, UNHCR and a number of other organizations. . .

Sun, Mar 10 2024 2:47 PM
Background image

A Large Meeting of People for Strengthening the Islamic Government and National Unity at Level of Southeast Zone

10th March 2024

Ministry of border and tribal affairs held a large meeting for strengthening the Islamic government and national unity at the level of southeast zone,in Paktia province. . .

BACK TO NEWS